Balqashta aspanǵa oq atqan azamat ustaldy
QARAǴANDY. QazAqparat - Balqash tártip saqshylary ermek úshin birneshe ret aspanǵa oq atqan jergilikti turǵyndy ustady, dep habarlaıdy «QazAqparat» HAA tilshisi.
Birneshe ret atylǵan myltyqtyń daýysy Rýsakov aýdanynan shyqty. Polıtsııa qyzmetkerleri jedel 10 mınýttyń ishinde, alǵashqy oq atylǵannan keıin-aq, 43 jastaǵy er azamatty ustady. Ol oqty kóliginiń terezesinen atqan. Balqash prokýratoýrasynyń qyzmetkeri Mádı Ábishevtiń aıtýynsha, «Mersedes» avtokóliginiń júrgizýshisi ustaldy.
«Atys saldarynan zardap shekkender joq. Qarýyn paıdalana otyryp, buzaqylyq áreketke barǵan azamat ustaldy. Atalǵan derek Balqash ishki ister organdarynyń sotqa deıingi tekserýiniń biryńǵaı tizilimine tirkeldi», - dedi Mádı Ábishev.
