Balqashta ákimdik qyzmetkeri kólikti mas kúıinde basqarǵan
QARAǴANDY. QazAqparat - Etıka keńesi kólikti mas kúıinde basqarǵany úshin Balqash ákimi apparatynyń basshysy Bolat Asylbekovke qatań sógis jarııalaýdy usyndy, dep habarlady «QazAqparat» HAA tilshisi.
16 sáýirde túngi 3-te jol-patrýldik polıtseıler Balqashta Shkoda kóligin mas kúıinde basqaryp kele jatqan qala ákimi apparatynyń basshysyn toqtatady. Ony narkologııalyq dıspanserge jetkizdi, nátıje jeńil túrde alkogol tutynǵanyn kórsetti.
Kólik ákimdikke tıesili bolǵan. Oǵan qatysty ÁQtK 60-baby 1-bóligi boıynsha hattama toltyryldy. Sonymen qatar memlekettik qyzmet jáne sybaılas jemqorlyqqa qarsy is-qımyl departamenti qyzmettik tergeý júrgizdi. Tergeý nátıjesi sársenbi, 17 mamyrda Etıka keńesinde jarııalandy.
«Kólikti toqtatqan kezde Bolat Asylbekov qarsylyq tanytqan», - dedi departamenttiń bas mamany Erqanat Májıtov.
Apparat basshysy kinásin moıyndady. Jumystan tys ýaqytta syra ishkenin habarlady. Alaıda ony kútpegen jerden qyzmetke shaqyrǵan.
Keńes músheleriniń biraýyzdy sheshimimen oǵan qatań sógis jarııalandy.
