Balqashta 90 otbasy baspanaly boldy
QARAǴANDY. QazAqparat - Qaraǵandy oblysynyń Balqash qalasynda 90 otbasy baspanaly boldy, dep habarlaıdy «Habar 24».
Olardyń barlyǵy da - uzaq jyl úı kezegin kútken muqtaj jandar. Besqabatty eki birdeı úıdiń qurylysyna «Nurly jer» baǵdarlamasy boıynsha 668 mıllıon teńge qarjy bólingen. 1, 2 jáne 3 bólmeli páterlerdiń ár sharshy metri nebári 90 myń teńge turady. Úıdiń jertólesine derbes jylytý pýnkti qoıylǵan. Ereksheligi, bul qondyrǵy kún jyly kezde jylýdy únemdep beredi. ıAǵnı turǵyndar artyq aqsha tólemeıdi.
Aıta ketý kerek, Balqash qalasy boıynsha áli de 1200 otbasy páter kezeginde tur.
«Biz bul páterdi kóp kúttik. Keń úsh bólmeli úıge Úkimettiń arqasynda qolymyz jetip otyr. Páter unady»,-deıdi Balqash qalasynyń turǵyny Qabylǵazy Jumadilov.
«Kelesi jyly biz taǵy nesıelik 2 turǵyn úıdiń qurylysyn bastaımyz. Ol osy mańda ornalasqan. Bul jerde bolashaqta mektep salynady. Balabaqsha bar»,-deıdi Balqash qalalyq qurylys bóliminiń basshysy Saıatbek Mýsın.
