Balqashta 8 jastaǵy balany urǵan aıyptalýshyǵa qatysty qamaý merzimi eki aıǵa uzartyldy

BALQASh. KAZINFORM — Qaraǵandy oblysynyń Balqash qalasynda kámeletke tolmaǵan balaǵa qatysty aýyr dene jaraqatyn keltirý faktisi boıynsha júrgizilip jatqan sotqa deıingi tergeý barysynda kúdiktige qatysty qamaý merzimi taǵy eki aıǵa uzardy.

Balqashta oryn alǵan bul oqıǵa boıynsha quqyq qorǵaý organdary dereý tıisti sharalar qabyldady. Qazirgi ýaqytta tergeý isi Qaraǵandy oblysy polıtsııa departamentiniń erekshe baqylaýynda.

— Kúdikti ustalyp, ýaqytsha ustaý ızolıatoryna qamaýǵa alyndy. Sot sheshimimen oǵan eki aı merzimge qamaý túrindegi bultartpaý sharasy taǵaıyndaldy, — dep málimdedi PD baspasóz qyzmeti.

Oqıǵaǵa qatysty tolyq tergeý jalǵasýda, kúdiktiniń jaýapkershiligi men qylmystyq is qozǵalýyna baılanysty barlyq qajetti protsessýaldyq sharalar qabyldanyp jatyr.

Eske sala keteıik, 8 jastaǵy balaǵa qatysty bul zorlyq-zombylyq jaǵdaıy áleýmettik jelilerde keńinen talqylandy. 

https://www.threads.com/ Balanyń anasy ulyn urǵanyn ashyq túrde jarııalap, qoǵam nazaryn osy oqıǵaǵa aýdardy. Bul jaǵdaı Balqash turǵyndarynyń arasynda úlken rezonans týdyrǵan edi.