Balqashta 50 kóliktiń dóńgelegin jarǵan buzaqylar qolǵa tústi
QARAǴANDY. QazAqparat - Balqash qalasynyń polıtseıleri 20 qańtar kúni túnde turǵyn úı aýlalarynda qańtarylyp turǵan 50-ge jýyq kóliktiń dóńgelegin jarǵan 24 jáne 23 jastaǵy jigitterdi ustady, dep habarlaıdy «QazAqparat» HAA tilshisi.
Qaraǵandy oblystyq ІІD baspasóz qyzmeti málimdegendeı, ustalǵandar bul qadamǵa ishimdiktiń áserinen barǵandaryn moıyndaǵan.
«Dóńgelekterdi buzaqylyq nıetpen tesken. Olardyń áreketi mańaıdaǵy baqylaý kameralarynyń birine ilingen»,-dep jazady baspasóz qyzmeti.
Kúdiktilerge qatysty QR QK 293 baby «Buzaqylyq» boıynsha sotqa deıingi tergeý jumystary bastalyp ketti.
Eske sala keteıik, buǵan deıin 20 kóliktiń dóńgelegin tesip ketti degen aqparat túsken bolatyn, keıin anyqtalǵandaı, polıtsııaǵa 50 kóliktiń ıesinen shaǵym túsken.
