Balqashta 5-qabattan qulaǵan qyz aman qaldy
ASTANA. QazAqparat - Balqashta 5-qabat terezesinen qulaǵan qyz aman qaldy, dep habarlaıdy qazAqparat.
«28 aqpan kúni Balqashtyń ortalyq aýrhanasyna jaǵdaıy óte aýyr qyz jetkizildi. Bas mıy shaıqalǵan, aıaǵy men qoly synyp, ókpesi jarylǵan. Shuǵyl travmatolog, neırohırýrg, hırýrg jáne óze de mamandardan mýltıdıtsıplınarlyq komanda jasaqtaldy. Neırohırýrg, hırýrg jáne travmatolog bir mezette ózderiniń baǵyttary boıynsha ota jasady», - dep atap ótti oblystyq densaýlyq saqtaý basqarmasynyń baspasóz qyzmetinen.
Basqarma baspasóz hatshysy Aıjan Isanyń aıtýynsha, qazirgi ýaqytta qyzdyń jaǵdaıy birqalypty. Buǵan qosa, dárigerler onyń jaraqattary múgedektikke aparyp soqpaıdy dep úmittenip otyr.
«Qyz áli de jansaqtaý bóliminde jatyr. Bastapqyda ol jasandy joldarmen tynys alǵan edi. Qazir jasandy tynys alý apparaty ajyratyldy. ıAǵnı, qyz óz betinshe dem ala alady. Patsıenttiń jaǵdaıy óte aýyr, biraq birqalypty dep baǵalanady. Oń ózgerister bar», - dedi A.Isa.
Sonymen qatar ol Balqash aýrýhanasy dárigerleriniń biliktiligi óte joǵary ekendigin, qyzdy ólim aýyzynan alyp qalǵanyn basa aıtty.
«Balqash ortalyq aýrýhanasy dárigerleriniń biliktiligi joǵary ekendigin atap ótkim keledi. Buryndary mundaı jaraqatpen adamdar ólip ketetin. Al qazir aýrýhana dárigerleriniń deńgeıi joǵarlady, atalǵan operatsııalardyń barlyǵy da sol jerde jasalýda», - dedi Aıjan Isa.
