Balqashta 30 kópbalaly otbasy baspanaly boldy
BALQASh. QazAqparat – Táýelsizdik kúni qarsańynda Balqash qalasynyń ákimi Oraz Táýirbekov 30 kópbalaly otbasyna páter kiltin tabys etti. Jyl sońyna deıin kezekte turǵan 90 adam turǵyn úı alýy tıis. 45 páterli eki úı paıdalanýǵa berýge daıyn, dep habarlaıdy QazAqparat tilshisi.
«Jyl sońynda kópbalaly analarǵa páter kiltin tapsyrý ıgi dástúrge aınaldy. Sizdiń úılerińiz árqashan ashyq jáne jaıly bolsyn!» –dep Balqash qalasynyń basshysy jańa qonys ıelerin quttyqtady.
«Men bes balanyń anasymyn. Bir jyl buryn qala ákiminen kómek suradym. Maǵan zaýyt jataqhanasynda ýaqytsha turýǵa kómektesti. Mine, araǵa bir jyl salyp úsh bólmeli páter aldym. Úlken rahmet!» – dep jaa baspana ıesi Baqyt Aqjan alǵys aıtty.
Seıfýllın kóshesindegi bes qabatty úı uzaq ýaqyt boıy qaraýsyz qalǵan. Osy jyldyń jazynda jergilikti ınvestor páterlerdiń ornalasýyn kóp balaly otbasylarǵa beıimdeı otyryp, ǵımaratty qalpyna keltirýge kiristi. Bul Balqashtaǵy bir bólmeli páterleri joq jalǵyz úı, munda tek eki, úsh jáne tórt bólmeli páterler bar. Qurylysshylar 5 aı ishinde ǵımaratty qalpyna keltirdi. Sonymen qatar kommýnıkatsııalar júrgizildi.
Úıdiń qasbeti otbasy taqyrybyndaǵy mýralmen bezendirilgen. Aýla abattandyryldy: kort jóndeldi, oryndyqtar qoıyldy, tas tóseldi jáne jol asfalttaldy.
Sondaı-aq, úıdiń janynda alań bar. Jaqynda ony da abattandyrý jumystary aıaqtalady.
