Balqashta 1,2 mlrd teńge bıýdjet qarajatynyń negizsiz jumsalýy toqtatyldy
ASTANA. KAZINFORM – Balqash qalasynyń prokýratýrasy memlekettik satyp alýlar salasyndaǵy zańdylyqtyń saqtalýyn qadaǵalaý barysynda 1,2 mlrd teńgeden astam bıýdjet qarajatynyń negizsiz jumsalýyna tosqaýyl qoıdy.
2025 jyldyń basynan beri prokýratýranyń aralasýymen jalpy somasy 3 mlrd teńgeden asatyn alty memlekettik satyp alý rásimi toqtatylǵan.
- Anyqtalǵan zańbuzýshylyqtarǵa smetalyq qunnyń asyra kórsetilýi, konkýrs qujattamasyna ekonomıkalyq negizsiz jumys kólemderin engizý jáne bıýdjet qarajatynyń tıimsiz paıdalanylýyna alyp kelýi múmkin basqa da buzýshylyqtar sebep bolǵan, - dep jazdy baqylaýshy organnan.
Únemdelgen qarajat qalanyń ózekti áleýmettik máselelerin sheshýge baǵyttalatyn bolady.
Aıta keteıik, Qazaqmys Balqash kólin saqtaýǵa 5 mln dollar bólmekshi.