Balqashta 100 keliden astam zańsyz balyq aýlaǵan tórt adam ustaldy
QONAEV.KAZINFORM – Balqash-Alakól oblysaralyq basseındik balyq sharýashylyǵy ınspektsııasy reıd barysynda balyq aýlaýǵa tyıym salynǵan quraldardy qoldanǵan 4 azamat ustalǵanyn habarlady.
Tekserý nátıjesinde olardan monojipten jasalǵan zańsyz balyq aýlaý torlary jáne jalpy salmaǵy 133 kg bolatyn zańsyz aýlanǵan balyq tabyldy. Atalǵan derek boıynsha Balqash qalasynyń polıtsııa bólimi balyq resýrstaryna eleýli zalal keltirgeni úshin QR QK-niń 335-babynyń belgileri boıynsha qylmystyq is qozǵady.
- Qazirgi ýaqytta tergeý sharalary júrgizilip jatyr. Tergeý barysynda buzýshylardan «Nıva Shevrole» markaly avtokólik, uzyndyǵy 1500 metr bolatyn zańsyz torlar jáne 133 kg balyq tárkilendi. Aldyn ala eseppen zalal somasy - 743 264 teńge, - dep habarlady ınspektsııadan.
Eske salaıyq, SQO-da sýy taıaz kóldiń balyqtary Esilge jiberildi.