Balqashqa keletin týrıster sanyn 160 myńǵa jetkizý kózdelip otyr
QARAǴANDY. QazAqparat - Jyl saıyn Balqash qalasyna 80 myń týrıst keledi. 2021 jylǵa qaraı bul kórsetkishti 160 myńǵa deıin ulǵaıtý kózdelip otyr, dep habarlaıdy óńir basshysynyń resmı saıty.
Mamandardyń aıtýynsha, týrızmdi damytýda qalanyń áleýeti zor. Sondyqtan aldaǵy ýaqytta shahardy damytý jáne abattandyrý jumystaryn jandandyrý qajet.
Búgingi tańda kýrorttyq aımaqta 53 týrıstik nysandar: úıler men demalys oryndary ornalasqan.
Balqashqa jumys sapary barysynda Erlan Qoshanov bul aımaqty demalýshylar úshin tartymdyraq etýge baǵyttalǵan is-áreketter josparymen tanysty.
- Balqash kýrorttyq aımaǵy respýblıkalyq týrıstıfatsııa kartasynyń TOP-10-yna kirdi. Atqarýshy bılik onyń damýyna barynsha járdemdesýi tıis. Munda týrıstik ınfraqurylymdy jaqsartýǵa qarajat salatyn mańyzdy ınvestorlardy tartý úshin olarǵa jaǵdaı jasaıtyn bolamyz, - dedi Erlan Qoshanov.
Investorlarǵa jańa demalys oryndaryn salý úshin birinshi jaǵalaý aýmaǵynda bos jer ýchaskelerin usynady.
Qala aýmaǵynda ornalasqan demalys oryndaryn da damytý jáne jaqsartý josparda bar. Mysaly, qala mańyndaǵy jaǵajaılardy abattandyrý jáne attraktsıondar men sýdaǵy oıyn-saýyq keshenderin ornatyp, abattandyrý jumystaryn júrgizý josparlanýda. Ol úshin alań tańdalyp, joba ázirlenip te qoıǵan.
Balqash kólindegi demalys oryndary týraly anaǵurlym kóbirek xalyq bilýi úshin 16 maýsym kúni Balqashta Halyqaralyq týrıstik forým ótedi. 
Atalmysh sharaǵa otandyq jáne sheteldik týroperatorlar qatysady. Baǵdarlamaǵa aqparattyq týr, Bektaýata qoryǵyna saıaxat jáne Prıozersk qalasynda ornalasqan "Balqash" emdeý-saýyqtyrý keshenine ekskýrsııalar, teplohod krýızi jáne Oceanman alys jáne jaqyn araqashyqtyqqa júzý sharasy engizilgen.
