«Balqash jylý» JShS burynǵy basshylyǵy 272 mln teńge urlaǵan

ASTANA. QazAqparat - Sybaılas jemqorlyqqa qarsy qyzmet «Almaty jylý jelileri» JShS jáne «Balqash jylý» JShS basshylyqtaryna qatysty qylmystyq isterdi tergeýde, dep habarlaıdy QazAqparat.

«AlTS» JShS bas dırektory men basqa da qyzmetkerleri 16 mıllıon teńge kóleminde para aldy dep kúdiktelýde (QR QK 366-baby).

«Balqash jylý» JShS dırektorynyń burynǵy orynbasary jáne bas býhgalteri ózderiniń kartochkalyq shottaryna artyq jalaqy esepteý jolymen 272 mıllıon teńgeden astam urlyq jasady dep kúdiktelýde (QR QK 189-baby). Bul rette seriktestiktiń jetkizýshiler aldynda 1,5 mıllıard teńgeden astam somaǵa qaryzy bolǵan.

Eki fakt boıynsha da kúdiktilerdiń kinásin tolyq moıyndaýyna baılanysty «qamaýda ustaý» túrindegi bultartpaý sharasy qoldanylǵan joq.

Tergeý jalǵasýda. Tergeý múddesi úshin ózge aqparat jarııa etýge jatpaıdy.

Aıta keteıik, Sybaılas jemqorlyqqa qarsy qyzmet jemqorlyq táýekelderiniń kartasyn iske asyrý aıasynda neǵurlym problemaly jáne jemqorlyqqa beıim salalardy anyqtaýdy jalǵastyrýda. Jylýmen jabdyqtaý el óńirlerindegi ótkir áleýmettik problemalardyń biri bolyp tabylady.