Balqash jylý elektr ortalyǵy shtattyq rejımde jumys istep tur

BALQASh. QazAqparat - Qaraǵandy oblysy Balqash jylý elektr ortalyǵynyń jumysy qalpyna keldi, dep habarlaıdy QazAqparat «Kazakhmys Energy» JShS baspasóz qyzmetine silteme jasap.

15 maýsym kúni saǵat 16.20-da Balqash jylý elektr ortalyǵynda NTQ-10,5 kV II sektsııasy óshirilgen edi.

Stansa qyzmetkerleri jeke jáne zańdy tutynýshylardy rezervtik qýatqa aýystyrý boıynsha shara qabyldady.

Aýystyrý 5 mınýttan 10 mınýtqa deıin sozyldy.

Qaıta qosylýdan keıin qyzmetkerler stansany Qazaqstan Respýblıkasynyń birtutas energetıkalyq júıesine qosyp, jumysyn qalpyna keltirý úshin búkil sharalardy qabyldady.

«Qazirgi ýaqytta Balqash jylý elektr ortalyǵy shtattyq rejımde jumys istep tur. Apat joıylyp, júkteme qalpyna keldi» delingen habarlamada.

Eske sala keteıik, búgin Balqash JEO-synda apat bolyp, jaǵdaıǵa qala ákimdigi túsinik bergen bolatyn.

«Balqash JEO-da GRÝ júıesi tútindep, birneshe qurylǵy isten shyqty. Jumys toby aqaýdy birden qalpyna keltirdi. Qalada elektr qýatyna baılanysty másele joq. Ystyq sýmen qamtamasyz etý júıesi qalypty jumys istep tur»,-dep habarlady qala ákimdiginen.