Balqash JEO-da 17 aqaý tirkeldi: Bektenov stantsııany baqylaýda ustaýdy tapsyrdy
ASTANA. KAZINFORM — Premer-mınıstr Oljas Bektenov Balqash JEO-ǵa bardy. 2025 jyldyń qorytyndysy boıynsha qabyldanyp jatqan sharalardyń nátıjesinde stansa apatty «qyzyl aımaqtan» shyǵaryldy, bıyl negizgi jabdyqty jóndeý boıynsha 3,2 mlrd teńge somasyna barlyq josparlanǵan jumystar tolyq aıaqtaldy.
Úkimettiń baspasóz qyzmetiniń habarlaýynsha, qazirgi ýaqytta jalpy quny 30,3 mlrd teńge bolatyn № 5 qazandyq agregatyn salý jumystary jalǵasyp jatyr.
— Búginde negizgi jabdyqtardy montajdaý jumystary aıaqtaldy. Qazandyq tsehynyń ǵımaraty, otyn berý trakty salynyp, zamanaýı gaz tazartý jabdyǵyn jobalaý jumystary júrgizilip jatyr. Joba aıaqtalǵannan keıin stantsııanyń bý óndirý qýaty saǵatyna 270 tonnaǵa artady. Kelesi kezeńde jalpy quny 28,7 mlrd teńge bolatyn jańa № 5 týrboagregatty ornatý kózdelgen. Ony iske qosý stantsııanyń belgilengen elektr qýatyn 65 MVt-qa arttyryp, jylý qýatyn saǵatyna 55 Gkal-ǵa ulǵaıtýǵa múmkindik beredi, — delingen habarlamada.
Jobany 2028 jyldyń sońyna deıin aıaqtaý josparlanǵan.
Oljas Bektenov turǵyndardy jylýmen úzdiksiz qamtamasyz etý ákimdiktiń basym mindeti ekenin atap ótti. 2025-2026 jyldardaǵy kúzgi-qysqy jylý berý kezeńinde Balqash JEO-da II dárejeli 17 aqaý tirkelgen. Óńirlik shtabqa stantsııanyń jumysyn turaqty baqylaýda ustap, qalany úzdiksiz jylýmen qamtamasyz etý tapsyryldy.
Premer-mınıstr Balkhash ındýstrııalyq aımaǵynda júzege asyrylyp jatqan týrıstik jobalarmen, qonaq úı jáne rekreatsııalyq ınfraqurylymdy odan ári damytý josparlarymen tanysty. Bıyl jalpy ınvestıtsııa kólemi 5,3 mlrd teńge bolatyn alty jańa demalys aımaǵy ashyldy. Sondaı-aq tórt juldyzdy qonaq úıler salý boıynsha eki jobany júzege asyrý bastaldy. Sonymen qatar ınjenerlik jáne jaǵalaý ınfraqurylymy damyp jatyr. Bul kól jaǵalaýynda zamanaýı, jyl boıy jumys isteıtin týrıstik klaster qalyptastyrýǵa jaǵdaı jasaıdy.
Eske salaıyq, munyń aldynda Oljas Bektenov Balqashtaǵy jol sapasyna qatysty eskertý jasaǵan edi.
