Balqash jastary balalarǵa aǵylshyn tilin tegin úıretedi

BALQASh. QAZaQPARAT – Halyqaralyq til ortalyǵy «Qaıyrymdy ister marafony» jalpyulttyq jobasy aıasynda «Qaiyrymdy» qaıyrymdylyq aktsııasyn ótkizýde. Jas polıglot muǵalimder az qamtylǵan jáne kópbalaly otbasylardan shyqqan 200-den astam balany shet tilderine oqytýǵa daıyn, dep habarlaıdy QazAqparat tilshisi.

Til ortalyǵy birneshe aı buryn ashylǵan. Pedagogter birden qalanyń áleýmettik bólimine muqtajdar tizimin alyp, barlyǵyn shaqyryp, balalardy oqýǵa shaqyrdy. Qazirdiń ózinde 10 adamnan turatyn top jınalǵan. Olardyń barlyǵy aǵylshyn tilin úırenedi. Sabaqtar aptasyna eki ret ótkiziledi. Aǵylshyn tilinen basqa, shetelde oqyǵan stýdentter túrik, nemis jáne koreı tilderin úıretedi.

«Bizdiń ortalyq eresekter men balalarǵa arnalǵan sabaqtar ótkizedi. Onlaın jáne oflaın formatta. Ortalyqta beınematerıaldardy túsirýge kómektesetin eriktiler bar. Qazir biz «Qaıyrymdy ister marafonyna» qatysyp jatyrmyz. Bizde az qamtylǵan jáne kópbalaly otbasylardyń balalary tegin oqı alady», - dedi Til ortalyǵynyń jetekshisi Oralhan Barlan.