Balqash turǵyny áıel polıtseıdi teýip, onyń pogonyn julyp alǵan
QARAǴANDY. QazAqparat - Balqash turǵyny polıtseıge birge turatyn mas adamdy bergisi kelmeı, ishki ister organynyń qyzmetkerin teýip, onyń pogonyn julyp alǵan, dep habarlaıdy «QazAqparat» HAA tilshisi.
Polıtsııa qyzmetkerleri shartty sottalýshynyń turǵylyqty mekenjaıyn tekserý úshin páterge kelgen. Ol Qylmystyq-atqarý júıesi departamenti probatsııa qyzmetine kezekti ret belgilený úshin kelmegen. Polıtseıler esepte turǵan tulǵa belgilenbegen jaǵdaıda onyń qandaı da bir qylmys jasaýyna jol bermes úshin ony tirkelgen jeri boıynsha tekserýge mindetti.
Sottalýshy polıtseılerdi mas kúıinde qarsy alǵan. Polıtseıler odan esep berý tártibin buzýdy tirkeý úshin polıtsııa bólimine barýdy ótingende, onymen birge turatyn áıel polıtsııa qyzmetkerimen tóbelesken. Ol qyzmettik tulǵany teýip, pogondaryn julyp alǵan.
«Aıypker QR QK 380-baby boıynsha bılik ókiline kúsh kórsetkeni úshin aıypty dep tanylyp, 1 jyl 6 aıǵa bas bostandyǵynan aıyryldy», - dep habarlady Balqash qalalyq sotynda.
