Balqash ta Aral sııaqty ekologııalyq apat aımaǵyna aınalýy múmkin - mınıstrlik
«Qolaısyz klımattyq jáne antropogendik sý-resýrs jaǵdaıynyń damýy Qazaqstannyń basqa da birqatar transshekaralyq ózen basseınderine, onyń ishinde Іle-Balqash óńiri men Jaıyq-Kaspıı basseınine qaýip tóndiredi. Mamandardyń baǵalaýynsha, Balqash kóli Aralǵa uqsas ekologııalyq apat aımaǵyna aınalýy múmkin. Kól deńgeıi taý muzdyqtarynyń tez erýi arqyly qorektenedi, al Qytaı munaı ónerkásibiniń qajettiligi úshin Іle ózeninen alynatyn sýdy kóbeıtýdi josparlap otyr. Budan basqa, kóldiń aýyr metaldarmen jáne ónerkásiptik kásiporyndar sýlfıdterimen lastanýy jalǵasýda. Sondaı-aq, Ertis ózeni boıynsha da qaýipti jaǵdaı qalyptasqan. Qytaı aldaǵy ýaqytta sý alýdy jylyna tórt-bes tekshe metrge deıin ulǵaıtady, buǵan sebep - osy aýmaqtaǵy demografııalyq protsester. QHR qonys aýdarý baǵdarlamasyn paıdalana otyryp, okrýg halqyn 100 mln adamǵa deıin jetkizýdi jáne sýarmaly jerler aýdanyn ulǵaıtýdy josparlap otyr. Ol úshin Qytaı Qara Ertiste gıdrotehnıkalyq qurylystar salyp jatyr», - delingen tujyrymdamada.
Sonymen qatar, qujatta 2030 jylǵa qaraı transshekaralyq ózenderdiń aǵyny shamamen 10-15%-ǵa qysqarýy yqtımal ekeni jazylǵan.
Ony sheshý úshin QR Sý kodeksin qabyldap, ol arqyly resýrstardy paıdalanýdy retteý máselesin jetildirýdi qolǵa almaq.
Sonymen qosa, sýdy únemdeý sharalary qabyldanyp, jańa tehnologııalardy engizý múmkindikteri qarastyrylady.
