«Balqash sý» mekemesiniń basshysy qyzmetinen qýyldy
Búgin Ortalyq kommýnkatsııalar qyzmetinde baspasóz máslıhatyn ótkizgen Qaraǵandy oblysynyń ákimi Ermaǵanbet Bólekpaevtan jýrnalıster apatqa kináli mekeme basshysynyń qyzmetten alynǵan-alynbaǵanyn suraǵan edi.
«Ol ýchaskege ózim baryp, apatty joıý jumystary qalaı júrgizilip jatqanyn kórdim. Shynymen de, búginde basshysy qyzmetinen ketti. Qazir jańa basshysy iriktelip jatyr. Ol jerde sheshilýi tıis uzaq ýaqyttan beri kele jatqan problema boldy. Qazirgi ýaqytta biz eń aldymen atalǵan sorǵy stansasynyń turaqty jumys isteýi úshin qajetti jabdyqtar satyp alý máselesin sheshemiz», - dedi oblys ákimi.
Óńir ákiminiń atap ótýinshe, uzyndyǵy 22 shaqyrymdy quraıtyn sý qubyryna tolyqtaı tekserý júrgiziledi. Sonymen qatar qosymsha qubyr salý qolǵa alynady.
«Mundaı qalada qosymsha qubyr qajet. Búginde qala ákimdigi jobalyq-smetalyq qujattama jasaýǵa kiristi. Bul másele jeke baqylaýymda tur, ony únemi qadaǵalap otyramyn», - dedi Ermaǵanbet Bólekpaev.
Buǵan deıin sáýir aıynyń basynda Balqash qalasynda 80 myńǵa jýyq turǵyn eki táýlikke jýyq aýyz sýsyz otyrǵanyn jazǵan edik.
Osydan keıin Qaraǵandy oblysynyń ákimi Ermaǵanbet Bólekpaev apatqa baılanysty qyzmettik tergeý júrgizýdi tapsyrdy.
«Balqash sý» basshylyǵy óziniń qabiletsizdigin kórsetti dep sanaımyn. Belgili bolǵandaı, qaqpa klapany osy ýaqytqa deıin sýdyń astynda bolǵan. Nege tekserilmegen? Mekeme basshysynyń atqaratyn laýazymyna sáıkestigin qarastyrýdy tapsyramyn. Qyzmettik tergeý júrgizińizder. Jobany kóterińizder, eger qateler bolsa, bárin túzetý kerek. Barlyǵyn eki ret tekserińizder. Áreket etińizder!», – degen edi oblys ákimi.
