«Balqash Sý» KMK-nyń burynǵy dırektory sottaldy
Qaraǵandy oblysynyń sybaılas jemqorlyqpen kúres qyzmeti Balqash qalasy ákimdiginiń «Balqash Sý» KMK-nyń burynǵy dırektory T.O.Ejıbaevqa qatysty qyzmettik ókilettigin teris paıdalandy degen kúdikpen sotqa deıingi tergeýdi aıaqtady.
Ol Balqash kommýnaldyq qyzmetter boıynsha tarıftik smetany negizsiz kóterý arqyly 282 mln. teńge somasynda qala turǵyndaryna shyǵyn keltirip, laýazym ókilettigin teris paıdalandy degen kúdikke ilingen bolatyn. Keltirilgen shyǵyn ótemdik tarıfti engizý esebinen tolyq óteldi.
Aǵymdaǵy jyldyń 3 qazanynda Balqash qalalyq sotynyń úkimimen Balqash qalasy ákimdiginiń «Balqash Sý» KMK-nyń burynǵy dırektory qyzmettik ókilettigin teris paıdalanǵany úshin sottalyp, oǵan 3 jyl 6 aı merzimine bas bostandyǵynan aıyrý jazasy taǵaıyndaldy.