Balqash polıtseıi avtoservıs qyzmetin paıdalanamyn dep jemqor atandy
ASTANA. QazAqparat - Qaraǵandy oblysy Balqashta somasy 7800 teńgeni quraıtyn avtoservıs qyzmeti túrinde para alǵany úshin polıtsııa qyzmetkeri sottaldy, dep habarlady «QazAqparat» HAA tilshisi.
«Balqash qalasynyń ІІB-niń jol-patrýldik polıtsııa qyzmetkeri Qazaqstan Respýblıkasy QK-niń 366-baby 1-bóligi boıynsha aıypty dep tanyldy. Onyń múlki tárkilenip, paranyń 50 paıyz mólsherinde 390 myń teńge aıyppul salyndy. Sonymen qatar memlekettik fýnktsııalardy oryndaýǵa baılanysty qyzmetpen aınalysý quqyǵynan ómir boıyna aıyrý jazasy taǵaıyndaldy», - dep habarlady Balqash qalalyq sotynyń baspasóz qyzmetinen.
Іs materıaldaryna sáıkes, polıtseı qańtar aıynda jemqorlyq qylmys jasaǵan. Qyzmetin atqarý barysynda kólik júrgizýshisiniń qozǵalystyń belgilengen jyldamdyǵyn arttyrýyna baılanysty kólikti toqtatqan. Júrgizýshiniń avtoservıste jumys isteıtinin bilgen ol, ereje buzýshy motordyń maıy men maıly fıltrdi alyp berse, onda oǵan qatysty ákimshilik materıal toltyrmaıtynyn jáne ony ákimshilik jaýapkershilikten bosatatynyn aıtqan.
Tergeý para somasyn 7800 teńgege baǵalady.
Úkim zańdy kúshine engen joq, sondyqtan oǵan shaǵymdanýǵa bolady.
