Balqash mys balqytý zaýytynda maýsym aıynda táýligine 550 tonna tazalanbaǵan mys óndirilýde
ALMATY. 16 maýsym. QazAqparat - Balqash mys balqytý zaýyty katodty mys, kúkirt qyshqyly, tozańdaǵy qorǵasyn men balqytylǵan shıhtadan jospardy asyra oryndaýda.
Máselen 15 maýsymdaǵy kórsetkish boıynsha óndiris orny jazdyń alǵashqy aıynyń jartysynda 8128 tonna katodty mys, 46 392 tonna kúkirt qyshqylyn, 401,4 tonna tozańdaǵy qorǵasyn, 31387 tonna balqytylǵan shıhta óndirdi. Jospar katodty mysta -106, kúkirt qyshqylynda - 1142, tozańdaǵy qorǵasynda - 43,4, balqytylǵan shıhtada - 55 tonnaǵa artyq óndirildi. Tek tazalanbaǵan mys josparlanǵan 8910 tonnanyń ornyna 95 tonnaǵa kemidi. Al kúndik jospar 100 tonnaǵa azaıyp, 650-den 550-ge deıin tómendep ketken. Ózge ónimderde bul kórsetkish katodty mysta 590-nan 613-ke, kúkirt qyshqylynda 3300-den 3435-ke, tozańdaǵy qorǵasynda 26-dan 33,3-ke, balqytylǵan shıhtada 2238-den 2541-ge ósip otyr.
