Balqash mańynda aýdarylǵan avtobýstaǵy jolaýshylardyń jaǵdaıy belgili boldy
BALQASh. QazAqparat – Qaraǵandy oblysynyń densaýlyq saqtaý basqarmasy Balqash mańynda jol apatyna ushyraǵan avtobýs jolaýshylarynyń jaǵdaıy týraly málimet taratty, dep habarlaıdy QazAqparat tilshisi.
Esterińizge sala keteıik, keshe Balqash qalasynyń mańyndaǵy Gúlshat kentiniń mańynda reıstik avtobýs aýdarylǵan bolatyn. Salonda 11 jolaýshy jáne 1 júrgizýshi bolǵan.
«Balqash» trassalyq medıtsınalyq-qutqarý pýnkti zardap shekken 6 adamdy aýrýhanaǵa jetkizdi.
Qaraǵandy oblysynyń densaýlyq saqtaý basqarmasy ardap shekkenderdiń jaǵdaıyn aıtty.
«13 jeltoqsanda jol apatynan 8 adam zardap shekti. Bir adam bas mıynyń shaıqalýymen aýrýhanaǵa jatqyzyldy, ekeýi tekserýden bas tartty, beseýi túrli jaraqatpen ambýlatorııalyq emdelýge jiberildi. Zardap shekkenderdiń barlyǵy - QR azamattary» delingen densaýlyq saqtaý basqarmasynyń baspasóz qyzmeti taratqan málimette.
