Balqash mańynda buzylǵan avtobýstan 22 jolaýshy qutqaryldy

BALQASh. KAZINFORM — Balqash mańyndaǵy trassada túnde avtobýs buzylyp, jıyrmadan asa jolaýshy aıazda dalada qalyp qoıdy. Qutqarýshylar der kezinde kómekke kelip, adamdardy evakýatsııalady.

Búgin Qaraǵandy oblysynyń Aqtoǵaı aýdanynda «Astana — Qaraǵandy — Almaty» avtojolynda qalaaralyq jolaýshylar avtobýsy oqys jaǵdaıǵa tap boldy. Balqashtan shamamen 25 shaqyrym jerde kólik kenetten buzylyp qaldy. Avtobýstyń ishinde Astanadan Shymkentke baǵyt alǵan 22 adam bolǵan.

Tótenshe jaǵdaı týraly aqparat 112 pýltine túsken boıda kezekshi qyzmet oqıǵa ornyna qutqarýshylar tobyn jóneltti. Oqıǵa ornyna jetken TJD qyzmetkerleri jaǵdaıdy baǵalap, buzylǵan avtobýstan tońyp qalǵan jolaýshylardy evakýatsııalady.

Jolaýshylar jaqyn mańdaǵy jylytý pýnktine jetkizildi. 

Qutqarýshylardyń málimetinshe, der kezinde áreket etýdiń arqasynda azamattardyń ómiri men densaýlyǵyna qaýip tónbedi.

Aldyn ala aqparat boıynsha, buzylý qozǵaltqyshtaǵy tehnıkalyq aqaýǵa baılanysty bolǵan.

Mamandar qysqy aıazdarda trassanyń alys ýchaskelerinde júrý qaýipti ekenin atap ótedi.

Operatsııa sátti aıaqtaldy, zardap shekkender joq. Qutqarýshylar júrgizýshilerge uzaq jolǵa shyǵar aldynda kólikti muqııat tekserip shyǵý qajettigin eskertedi.

Eske salsaq, Qostanaıda avtobýs buzylyp, 25 adam qaýipsiz jerge jetkizildi.