Balqash kolonııasynda úıindilerdiń astynan ózderin jaryp jibergen barlyq 16 tutqynnyń denesi tabyldy
ASTANA. 12 shilde. QazAqparat /Damır Baımanov/ - Balqashtaǵy kolonııada, úıindilerdiń astynan ózderin jaryp jibergen barlyq 16 tutqynnyń deneleri tabyldy.
Bul týraly búgin elordadaǵy brıfıngte Qylmystyq- atqarý júıesi komıtetiniń tóraǵasy Sultan Qusetov málim etti.
Onyń aıtýynsha, qazir olardyń tulǵalary anyqtalýda. S.Qusetovtyń aıtýynsha, qaza bolǵandardyń ishinde asa aýyr qylmys jasap, 15 jyldan 32 jylǵa deıin bas bostandyqtarynan aırylǵandar bar.
«Saraptama taǵaıyndalyp, tutqyndardyń neni jaryp jibergeni anyqtalady. Bizdiń paıymdaýymyz boıynsha, ol ottegi ballony bolǵan», - deıdi komıtet basshysy.
