Balqash kóliniń jaǵajaıyna kólikpen kirgeni úshin taǵy bir júrgizýshi qamaýǵa alyndy
ASTANA. KAZINFORM — Balqash kóliniń jaǵalaýynda usaq buzaqylyq jasaǵan azamat 5 táýlikke qamaýǵa alyndy.
Threads áleýmettik jelisindegi jarııalanymǵa baılanysty polıtsııa qyzmetkerleri Jambyl aýdanynyń Úlken aýyly mańyndaǵy Balqash kóliniń jaǵalaýynda ornalasqan demalys orny aýmaǵyna avtokólikpen kirý faktisi boıynsha tekserý júrgizdi.
Tekserý barysynda Almaty qalasynyń 32 jastaǵy turǵyny Arystanbek Abý avtokóligimen azamattar, onyń ishinde balalar demalyp, shomylyp jatqan jaǵalaý aýmaǵyna barǵany anyqtaldy.
Tekserý qorytyndysy boıynsha quqyq buzýshy usaq buzaqylyq jasaǵany úshin ákimshilik jaýapkershilikke tartyldy.
Sot sheshimimen Arystanbek Abý 5 táýlikke ákimshilik qamaýǵa alyndy. Al onyń avtokóligi arnaıy aıyp turaǵyna qoıyldy.
Aıta ketelik Balqash jaǵalaýyna kóligimen kirip, demalýshylardy shoshytqan júrgizýshi 10 táýlikke qamalǵan edi.
