Balqash kóliniń ekologııalyq jaǵdaıyn jaqsartýdyń qandaı joldary bar
BALQASh. KAZINFORM — Balqashta eki kúndik «Balqash-2024: syn-qaterler men sheshimder» halyqaralyq sý-klımat forýmynda transshekaralyq sý resýrstaryn saqtaý máselesi talqylandy.
Forýmǵa sondaı-aq QR ekologııa jáne tabıǵı resýrstar vıtse-mınıstri Mansur Oshýrbaev qatysty.
Ol Balqash kóliniń ekologııalyq jaǵdaıyn jaqsartýdyń birneshe jolyn usyndy. Onyń biri — sýdy tazartý.
Onyń aıtýynsha, bıofıltratsııa jáne nanotehnologııalardy qoldaný sııaqty sý tazartýdyń ınnovatsııalyq ádisteri Balqash kóliniń lastaný deńgeıin tómendetip, sý sapasyn jaqsartady.
Aıta ketsek, oblysta qorshaǵan ortany jaqsartýda «Taza Qazaqstan» respýblıkalyq ekologııalyq aktsııasy da óz jemisin berip jatyr.
Oblys boıynsha eki aıda ruqsat etilmegen 367 qoqys polıgony joıylǵan, 127 myńǵa jýyq aǵash egildi.
Onyń ishinde Balqashta da belsendi jumys júrip jatyr.
Qorshaǵan ortaǵa janashyr azamattar «Taza sý aıdyndary» aktsııasyna qatysa otyryp, kóldiń jaǵasyn qoqys pen laıdan tazartý jumystary jalǵasyn taýyp jatyr.
