Balqash kólindegi Bertis shyǵanaǵy 6 shaqyrym brakonerlik tordan tazartyldy
ASTANA. KAZINFORM — Orman jáne janýarlar álemin qorǵaý jónindegi Qaraǵandy sharýashylyǵynyń Balqash qalasy boıynsha jedel toby egerlermen jáne qoǵam ókilderimen birlesip, Balqash kólindegi Bertis shyǵanaǵynda kezekti reıd ótkizdi.
— Reıd barysynda sý aıdynyn tekserý kezinde zańsyz ornatylǵan brakonerlik balyq aýlaý torlary anyqtalyp, tolyqtaı alyndy. Nátıjesinde kól akvatorııasynan jalpy uzyndyǵy shamamen 6 shaqyrymdy quraıtyn balyq aýlaý torlary shyǵaryldy, — delingen Tabıǵı resýrstar jáne tabıǵatty paıdalanýdy retteý basqarmasy.
Mamandardyń aıtýynsha, bul torlar sý bıologııalyq resýrstaryna eleýli zııan keltirip, kóldiń ekojúıesine qaýip tóndirgen.
Mundaı profılaktıkalyq is-sharalar balyq qoryn saqtaý, tabıǵı ortany qorǵaý jáne zańsyz balyq aýlaýdyń aldyn alýǵa baǵyttalǵan.
Balqash kólinde brakonerlikke qarsy kúres jáne zańsyz kásipti anyqtaý men jolyn kesý jumystary aldaǵy ýaqytta da júıeli túrde jalǵasatyn bolady.
Buǵan deıin Aqmola oblysynda 640 keli balyq aýlaǵan brakonerler sottalǵany belgili boldy.