Balqash kólinde joǵalyp ketken balyqshy jaǵalaýdan 24 shaqyrym jerden tabyldy

ASTANA. KAZINFORM – Jambyl oblysynda Tótenshe jaǵdaılar mınıstrliginiń qutqarýshylary Balqash kólinde joǵalyp ketken er adamdy tapty.

Qutqarýshylar Balqash kólinen eki balyqshyny evakýatsııalady
Foto: Vıdeodan alynǵan skrın

1981 jyly týǵan er adam motorly qaıyqpen balyq aýlaýǵa shyǵyp, belgilengen ýaqytta jaǵalaýǵa oralmaǵan. Osyǵan baılanysty 112 qyzmetine habar túsken.

Habarlama túsken boıda TJM bólimsheleriniń kúshteri men quraldary jumyldyrylyp, izdestirý-qutqarý jumystary uıymdastyryldy.

– Іzdestirý jumystary barysynda TJM qutqarýshylary er adamdy kól akvatorııasynan, jaǵalaýdan 24 shaqyrym qashyqtyqta tapty. Belgili bolǵandaı, balyq aýlaý kezinde motorly qaıyqtyń qozǵaltqyshy isten shyǵyp, er adam ózdiginen jaǵaǵa jete almaǵan. Er adam zardap shekken joq, medıtsınalyq kómekke muqtaj emes, – delingen mınıstrlik habarlamasynda.

Aıta keteıik, buǵan deıin 18 qazanda Jambyl oblysynyń Moıynqum aýdanynda, Myńaral aýyly mańyndaǵy Balqash kólinde qutqarýshylar eki balyqshyny evakýatsııalaǵan edi. Olardyń da qaıyq qozǵaltqyshy isten shyǵyp, jaǵalaýdan shamamen 15 shaqyrym jerde qalyp qoıǵan.