Balqash kólin jan-jaqty zertteýge 5 mln dollar bólenetin boldy
ASTANA. KAZINFORM – Qazaqmys korporatsııasy Balqash kóliniń ekologııalyq ahýalyn zertteýge 5 mln AQSh dollaryn bóletin boldy. Bul týraly atalǵan kompanııanyń Ekologııalyq saıasatty damytý máselesi boıynsha menedjeri Eldar Esbolov aıtty.
«COP29 aıasynda Qazaqmys korporatsııasy jeke sharalar uıymdastyrdy. Atap aıtqanda, sarapshylar shaqyrylyp, Balqash kóli máselesi talqylandy. Qazaqmys taý-ken jáne metallýrgııa kompanııasy ekenin bilesizder. Osy oraıda Qazaqmystyń Balqash kóline qandaı qatysy bar degen suraq týyndaıtyny anyq. Bizdiń biraz jumysshylarymyz Balqash qalasynda turady. Bizge tikeleı jumys isteıtin adamdar, olardyń otbasy músheleri jáne bizben birge jumys isteıtin merdiger kompanııalardy qosa alǵanda, bul qala turǵyndarynyń 50 paıyzynyń Qazaqmysqa qatysy bar. Osy sebepti bizdiń kompanııa úshin bolashaqta klımattyń ózgerýine baılanysty Balqash kóli qandaı kúıde bolatyny ózekti másele sanalady. Sol sebepti biz halyqaralyq sarapshylardy shaqyryp, bul kól úshin ne isteı alatynymyzdy talqyladyq. Qorytyndylaı kele, Qazaqmys korporatsııasy Balqash kóliniń ekologııalyq ahýalyn zertteý úshin aldaǵy 5-10 jyl ishinde 5 mln AQSh dollaryn bóletin boldy. Birinshi, Balqash kóline qandaı zertteý jasaý kerektigin bilýimiz kerek bolady. Odan bólek, qandaı monıtorıng júıelerin ornatý qajet ekenin anyqtaý kerek. ıAǵnı, bul keshendi túrde aınalysýdy qajet etetin bastama», - dedi ol SOP29 sammıtiniń qorytyndysyna arnalǵan baspasóz máslıhatynda.
Aıta keteıik, buǵan deıin Qazaqstan COP-tyń kelesi jıynyna deıin jańa Ulttyq deńgeıde aıqyndalatyn úlesti ázirleýi kerek ekenin jazǵan edik.