Balqash kóliniń jaǵasynda baıkerlerdiń V Halyqaralyq festıvali ótedi
ALMATY. 11 shilde. QazAqparat /Erlik Erjanuly/ - Shildeniń 15-17 kúnderi Balqash kóliniń jaǵasyndaǵy "Tulpar" demalys úıinde V Halyqaralyq baıkerler festıvali bolady. Ony "KZ BIKE" jáne "CUSTOM SOUND" qoǵamdyq birlestikteri birlesip uıymdastyrýda.
"Balqashty saqtaımyz" degen uranmen ótetin bul shara TMD elderi táýelsizdiginiń 20 jyldyǵyna arnalyp otyr. Baǵdarlamada rok-toptardyń kontserti, túrli baıqaýlar, motokross, kvadrotsıkl, Balqash qalasyndaǵy baıkerler sherýi, qalyńdyqtar sherýi jáne kaskaderlardyń kórsetilimi josparlanyp otyr.
Byltyr bul shara 16-18 shilde kúnderi "Balqash-Nursaıa" týrıstik-saýyqtyrý ortalyǵynda ótken edi. "Nur Otan" HDP-nyń qoldaýmen ótken festıval kezinde ortalyqtyń alǵashqy kezeńi iske qosylyp, kıiz úı qalashyǵy ashylǵan bolatyn. Jalpy, ótken 4 jyldyń ishinde festıvalge qatysýshylar aýqymy keńeıip, TMD elderimen qatar Germanııa, Avstrııa, Polsha, Chehııa, Italııa, AQSh, Avstralııa, Japonııa sııaqty alys shet elderdi de qamtyǵan edi.
