Balqash kóliniń betinen ajyraǵan muz 5 balyqshyny aǵyzyp áketti, qurban bolǵandar bar - TJM
sp;ASTANA. Jeltoqsannyń 24-i. QazAqparat - Qaraǵandy oblysy Aqtoǵaı aýdany Balqash kóliniń betinen jarylǵan muz 5 balyqshyny Almaty oblysynyń shekarasyna deıin aǵyzyp áketti,
dep habarlaıdy QazAqparat QR TJM-ǵa silteme jasap.
Máselen, ótken seısenbi, jeltoqsannyń 22-si kúni 16 saǵat 00 mınýtta Balqash ózeniniń «Gornıak» demalý ornynyń mańynda balyq aýlap júrgen 5 balyqshyny kól betinen ajyraǵan muz, Almaty oblysynyń shekarasyna deıin (Qaratal aýdany) aǵyzyp áketken.
Balyqshylardy izdep-tabýǵa Tótenshe jaǵdaılar mınıstrliginiń «Qazavıaqutqarý» respýblıkalyq memlekettik kásipornynyń «MI-171» úlgisindegi bir tikushaǵy, «ROSO» memlekettik mekemesiniń 3 qutqarýshysy, «TsMK» MM-niń mamany, Balqash qalasynyń «SP jáne ASR» memlekettik mekemesi jeke quramynyń 8 adamy jáne 3 tehnıkasy, sondaı-aq Almaty oblysy Tótenshe jaǵdaılar departamentiniń 12 adamy men 2 tehnıkasy jumyldyryldy.
Іzdestirý nátıjesinde, jeltoqsannyń 23-i kúni 11 saǵat 50 mınýtta barlyq bes balyqshy tabyldy. 43 jáne 54 jastaǵy olardyń ekeýin áketken muz Jalǵyzaǵash qystaǵynyń mańyna deıin yǵypty. Densaýlyq jaǵdaılary qanaǵattanarlyq.
Qalǵan úsh balyqshy «Gornıak» demalý ornynan ońtústik-shyǵysqa qaraı 19 shaqyrym jerde tikushaqtyń kómegimen tabyldy. Úsik shalyp qaıtys bolǵan 45 jastaǵy azamattyń denesi men 40 jáne 21 jastaǵy azamattar tikushaq bortyna tıeldi.
«12.40 mınýtta tikushaq Balqash qalasynyń áýejaıyna qondy. Zardap shekkenderdiń barlyǵy aýyr jaǵdaıda aýrýhanaǵa jetkizildi», - dep atap ótti baspasóz qyzmetinen.
