Balqash kólinen joǵalǵan balyqshynyń denesi tabyldy
BALQASh. QazAqparat - Balqash kólinde er adam sýǵa batyp ketti. Qaraǵandy oblysy Aqtoǵaı aýdanynyń 64 jastaǵy turǵyny balyq aýlaýǵa shyǵyp, qaıtyp oralmaǵan. Búgin qutqarýshylar onyń denesin tapty, dep habarlaıdy QazAqparat tilshisi.
5 qarashada Qaraǵandy oblysy Tótenshe jaǵdaılar qyzmetiniń qutqarýshylary Aqtoǵaı aýdanyndaǵy Qysanov qystaýynyń mańynda Balqash kólinen sýǵa batyp ketken balyqshynyń denesin tapty.
1957 jyly týǵan er adamnyń joǵalǵany týraly habarlama 4 qazan kúni keshke qabyldandy. Aqtoǵaı aýdanynyń turǵyny 2 qarasha kúni kólge balyq aýlaýǵa shyǵyp, qaıtyp oralmaǵan.
«Balyqshynyń týystary uzaq ýaqyt boıy joǵalǵan er adammen baılanysqa shyǵa almaǵandyqtan, polıtsııa men qutqarýshylarǵa júgingen. Polıtsııa qyzmetkerleri kól jaǵasynan balyqshynyń rázińke qaıyǵyn tapty. Keıin qutqarýshylar jaǵadan 5 metr jerde muz astynan batyp ketken er adamnyń denesin tapty», - dep habarlady Qaraǵandy oblysynyń TJD baspasóz qyzmeti.
Qaraǵandy oblysynyń qutqarýshylary azamattarǵa sý aıdyndaryndaǵy qaýipsizdik erejelerin eske salady.
Jazataıym oqıǵalardy boldyrmaý úshin jaǵadan shyqpaı balyq aýlaǵan durys.
Toǵanǵa shyqpas buryn, qaıyqtyń jaǵdaıyn muqııat tekserý kerek.
Qaıyqtaǵy árbir adam úshin qutqarý sheńberi, beldik nemese keýdeshe bolýy mindetti.
Daýyl kezinde sýǵa shyǵýǵa tyıym salynady.
