Balqash kóline qaýip tónip turǵan joq – Ekologııa mınıstrligi
Bul týraly QazAqparat QR Ekologııa, geologııa jáne tabıǵ restýrstar mınıstrliginiń Telegram kanalyna silteme jasap habarlaıdy.
Mınıstrlik taratqan aqparattarǵa qaraǵanda, gıdrologııalyq derekterdi taldaý nátıjesi boıynsha, Іle ózeniniń aǵysy 2001 jyldan 2020 jylǵa deıin 13,8 mlrd m3 qurady. Kólge jyl saıyn shamamen 20 mlrd m3 sý qúıylady, Іleden keıingi eń iri ózender - Qaratal, Aqsý, Lepsi, Aıagóz ózenderi.
Memleket basshysy Qasym-Jomart Toqaevtyń tapsyrmasyna sáıkes Almaty oblysynyń ákimdigi jáne basqa da ýákiletti memlekettik organdarmen birlesip Balqash kólin saqtaý boıynsha arnaıy jospar ázirlendi. Josparda ónerkásiptik kásiporyndardyń zııandy tógindilerin qysqartý, Іle ózeni atyraýynyń aǵyndaryndaǵy tazartý jáne túbin tereńdetý jumystary, ırrıgatsııalyq jáne drenajdyq júıelerdi qaıta qurý jáne sýdy únemdeý úshin Іle ózeni basseıninde gıdromelıoratıvtik júıelerdi qaıta jańartý jáne sýarýdyń zamanaýı tehnologııalaryn engizý, Іle ózeni aǵynynyń aýytqýyn azaıtý úshin Qapshaǵaı sý elektr stantsııasyyń Kerbulaq kontrrettegishin salý jónindegi is-sharalar kózdelgen.
Bul is-sharalar ázirlenip jatqan sý resýrstaryn basqarý jónindegi ulttyq joba sheńberinde iske asyrylatyn bolady.
Sondaı-aq, Balqash kóliniń ekologııalyq jaı-kúıin jaqsartý maqsatynda jáne Іle ózeni atyraýyndaǵy balyq qorlarynyń ónimdiligin qalpyna keltirý jáne odan ári molaıtý úshin 2006 jyldan bastap jyl saıyn Almaty oblysynyń ákimdigi kól atyraýyndaǵy arnalardy keńeıtip, tereńdetýde.
2020 jyly Balqashqa quıatyn arnalardy mehanıkalyq tazalaý jáne tereńdetý boıynsha 5 joba iske asyryldy. Bıyl Іle ózeni sýynyń kólge quıýyn arttyrý úshin 4 nysan boıynsha jumystar júrgizilýde. 2022 jyly 4 jobany iske asyrý josparlanýda.
