Balqash kóline batyp ketken reseılik áskerıdiń máıiti tabyldy
QARAǴANDY. QazAqparat - Qaraǵandy oblystyq TJ departamentiniń izdestirý-qutqarý tobynyń súńgýshileri 11 qarasha kúni sýǵa ketken ekinshi reseılik áskerıdiń máıitin tapty», - dep habarlaıdy QazAqparat tilshisi.
Eske sala ketsek, 11 qarasha kúni 23:15-te TJ departamentine Balqash kóline balyq aýlaýǵa shyqqan Reseıdiń №03080 áskerı bólimshesiniń áskerı qyzmetshileri, 1981 jáne 1985 jylǵy RF azamattarynyń joǵalyp ketkeni týraly habar túsken.
Bes saǵattan keıin, 12 qarasha kúni saǵat 03:48-de bir áskerıdiń denesi tabyldy.
«Máıit búgin 15:07-de Balqash kóli jaǵasynan 100-110 metr qashyqtyqta izdestirý-qutqarý jumystaryn júrgizý barysynda tabyldy. Іzdestirý jumystaryn Qaraǵandy oblystyq TJ departamentiniń qutqarýshylary, jergilikti halyq jáne Reseı Federatsııasynyń áskerı bólimshesi júrgizdi», - dep habarlady Qaraǵandy oblystyq TJD resmı ókili Janna Dáýrenbekova.
Іzdestirý jumystarynyń uzaqqa sozylýyna qolaısyz aýa raıyna jáne kúshti jel men kóldegi tolqyndar sebepshi bolǵan.
