Balqash kóline balyq aýlaýǵa ketken erli-zaıyptylardyń múrdeleri tabyldy
TALDYQORǴAN. QazAqparat - Almaty oblysynda Balqash kóline balyq aýlaýǵa ketip, iz-túzsiz joǵalǵan erli-zaıyptylardyń múrdesi tabyldy. Olar Shyǵys Qazaqstan oblysyna qarasty Aıagóz aýdanynyń turǵyndary, dep habarlaıdy QazAqparat tilshisi.
«20 qarasha kúni eki adamnyń óli denesi Balqash kólinen tabyldy. Erli-zaıyptylar 9 qarasha kúni Shyǵys Qazaqstan oblysyndaǵy Aqtoǵaı eldi mekeni arqyly Balqash kóline balyq aýlaýǵa ketken bolatyn. Olardyń habar-osharsyz joǵalǵandyǵy týraly qutqarý qyzmetine 11 qarasha kúni qyzy habarlady», - dedi Almaty oblystyq Tótenshe jaǵdaılar departamenti baspasóz qyzmetiniń ókili Azamat Jurtbaev.
Balqash kóline balyq aýlaýǵa ketken erli-zaıyptylardyń joǵalǵandyǵy jóninde buǵan deıin habarlaǵan bolatynbyz.
