Balqash kólinde joǵalǵan stýdentter áli tabylmaı jatyr
QARAǴANDY. QazAqparat - Qaraǵandy oblysy Balqash kólinde joǵalyp ketken balyqshy stýdentterdi izdeý jumystaryna tikushaq qyzmeti jumyldyryldy, dep habarlaıdy «QazAqparat» HAA tilshisi.
«Búgin joǵalyp ketkenderdi izdeý jumystaryna ІІM TJ komıteti «Kazavıaspas» AQ-nyń tikushaǵy jumyldyryldy. Kól akvatorııasy men jaǵalaýyn kózben sholyp shyǵý júrgizilýde. Іzdeý jumystary izdeý aýmaǵynyń úlkendigine jáne aýa raıy jaǵdaıynyń qolaısyzdyǵyna baılanysty kúrdelenip tur», - dep habarlady Qaraǵandy oblysy boıynsha TJ departamentiniń resmı ókili Janna Dáýrenbekova.
Balyq aýlaýǵa 24 qyrkúıek kúni shyqqan eki balyqshyny izdeý jumystaryna jedel-qutqarý jasaǵynyń qutqarýshylary, Qaraǵandy oblysy TJ departamentiniń órt sóndirý jáne apatty-qutqarý jumystary qyzmetiniń órt sóndirýshi-qutqarýshylary, Balqash ІІB, jergilikti turǵyndar, ańshylar men balyqshylar qoǵamynyń «Aq suńqar» qoǵamdyq uıymy tartaldy.
Eske salaıyq, balyqshylar - 20 jastaǵy Arman Borash pen Batyrhan Júnisovtar tabylmaı jatqandyǵy týraly buǵan deıin habarlaǵan bolatynbyz.
