Balqash kólinde joǵalǵan 9 jastaǵy bala 5 shaqyrym jerden tabyldy
«17 shilde kúni saǵat 17:05-te oblystyq Tótenshe jaǵdaılar departamentiniń qutqarýshylaryna Balqash kóliniń jaǵalaýynda bala joǵalǵany týraly habarlama kelip tústi.
Іzdestirý-qutqarý jumystaryn júrgizýge Sarqan óńiriniń Jedel-qutqarý jasaǵynyń qutqarýshylary shyqty. Bir saǵat ishinde 2013 jyly týǵan bala kóldiń jaǵasynan ata-anasynan 5 km jerden aman-esen tabyldy»,- delingen oblystyq Tótenshe jaǵdaılar departamentiniń baspasóz qyzmeti taratqan habarlamada.
Aıta keteıik, ótken táýlikte Alakól kólinde de osyndaı jaǵdaı boldy. Aqshı aýylynda ata-anasymen demalyp júrgen bes jastaǵy balalar joǵalyp, bir shaqyrym jerden tabyldy.
«Balalardyń ata-analarymen sýdaǵy qaýipsizdik erejeleri jáne sý mańyndaǵy kámeletke tolmaǵan balalarǵa únemi nazar aýdarý qajettiligi týraly túsindirý jumystary júrgizildi.
Almaty oblysynyń TJD mamandary azamattardy sýǵa shomylý maýsymynda barlyq qaýipsizdik sharalaryn saqtaýǵa shaqyrady»,- dep tolyqtyrdy atalǵan vedomstvonyń baspasóz qyzmeti.
