Balqash kólinde eki jasóspirim qutqaryldy
QARAǴANDY. QazAqparat - Qaraǵandy qutqarýshylary úrlengen qaıyqpen jaǵalaýdan uzap ketken eki jasóspirimdi qutqardy, dep habarlady «QazAqparat» HAA tilshisi.
«Balqash qalasynyń qutqarýshylar beketinen 3,7 shaqyrym jerde 2 000 jáne 2002 jyly týǵan eki jasóspirim jaǵalaýǵa jaqyn jerde úrlengen kameramen júzip júrdi. Sol kúni jel jyldamdyǵy sekýndyna 5-6 metr boldy», - dedi Qaraǵandy oblysy TJD baspasóz qyzmetiniń basshysy Qýanysh Mútallapov.
Kezekshi aýysymnyń eki qutqarýshysy dereý «Windboat» katerimen jasóspirimderdi qutqarýǵa shyqty. Bes mınýttan keıin qutqarýshylar oqıǵa ornynda boldy. Balalardy kater bortyna mingizip, beketke alyp keldi.
«Balalarǵa sýdaǵy qaýipsizdik qaǵıdasy túsindirilip, úılerine qaıtaryldy. Adamdar demalys kezinde «bilmeıtin jerde shomylýǵa bolmaıdy», «jaǵalaýdan alys ketýge bolmaıdy», «úrlengen matrasqa senýge bolmaıdy», «qutqarý jıletin, beldigin kımeı júzýge bolmaıdy» degen qarapaıym qaǵıdalardy bilmeı jatady», - dep atap ótti Qýanysh Mútallapov.
