Balqash kólinde eki reseılik áskerı qyzmetshi joǵalyp ketti
QARAǴANDY. QazAqparat - Reseıdiń №03080 áskerı bólimshesiniń eki qyzmetshisi Balqash kóline baryp, joǵalyp ketti. Onyń bireýiniń sýǵa batqan denesi tabyldy, dep habarlaıdy «QazAqparat» HAA tilshisi.
Osy kúnderi Balqash kólinde kúshti jel tolastamaı tur. Qaraǵandy oblystyq TJD resmı ókili Janna Dáýrenbekovanyń aıtýynsha, osyndaı aýa raıynda, 11 qarasha kúni 1981 jáne 1985 jyly týǵan eki reseılik áskerı qyzmetshi balyq aýlaýǵa baryp, joǵalyp ketedi. «Reseı azamattarynyń biriniń denesin jergilikti turǵyndar túngi 03:48-te taýyp alǵan. Ekinshisin izdestirý-qutqarý jumystary jalǵasýda», - deıdi ol.
Іzdestirý jumystaryna alty qutqarýshy, bes jergilikti turǵyn jáne Reseı áskerı bólimshesiniń 15 qyzmetkeri jumyldyrylǵan.
