Balqash kólin saqtap qalý Qazaqstan úshin mańyzdy maqsat bolýy kerek - M.Eleýsizov
ALMATY. 13 sáýir. QazAqparat /Erbol Azanbek/ - Balqash kólin saqtaý Qazaqstan úshin mańyzdy maqsat bolýy kerek, óıtkeni Aral tragedııasyn qaıtalaý elimizdiń eń halyq kóp shoǵyrlanǵan aýmaǵyna úlken apat ákeledi.
Bul týraly búgin Almatyda 11-shi Іle-Balqash jáne 6-shy Halyqaralyq jelkendi regatasyn ótkizýge arnalǵan baspasóz máslıhaty barysynda «Tabıǵat» ekologııalyq odaǵynyń tóraǵasy Mels Eleýsizov aıtty.
Esterińizge sala keteıik, Іle-Balqash jáne halyqaralyq jelkendi regata 2011 jyldan beri dástúrli túrde ótkizilip keledi. Jyl saıyn Almaty qalasy men oblysynyń turǵyndary sáýirdiń 30 kúni Іle ózeniniń jaǵasyndaǵy «Tańbaly tas» saıynda jınalyp, Іle-Balqashty saqtap qalýǵa arnalǵan shara ótkizedi. Túrli saıystar, shoý-baǵdarlamadan quralǵan sharaǵa bıyl Reseı, Qazaqstan, Ýkraınadan 24 komanda qatyspaq. M.Eleýsizovtyń aıtýynsha, shara 2001 jyldan beri ótkizilip keledi. Tabıǵat janashyry bıylǵy shara Qazaqstan táýelsizdiginiń 20 jyldyǵyna arnalatyndyǵyn aıtady. «Regata jyl ótken saıyn sý ekotýrızmin damytýǵa arnalǵan kúshti týrıstik sletke aınalyp keledi. Regata elimizdegi týrıstik maýsym resmı túrde ashylatynynyń habarshysy ispetti», -dedi M.Eleýsizov.
