Balqash kóli taıazdanyp bara ma - mınıstrlik jaýaby

ASTANA. QazAqparat – Balqash kóliniń sýy qalypty deńgeıde. Bul týraly Sý resýrstary komıtetiniń tóraǵasy Nurlan Aldamjarov aıtty, dep habarlaıdy QazAqparat tilshisi.

Ortalyq kommýnıkatsııalar qyzmetindegi baspasóz máslıhatynda BAQ ókili QR Ekologııa, geologııa jáne tabıǵı resýrstar mınıstri Serikqalı Brekeshevten «Balqash kóli tartylsa, onyń apaty Araldan 10 ese kóp bolatyndyǵy týraly pikirler bar. Al sý mamandarynyń dereginshe, kóldiń taıazdaný protsesi jedeldeı túsken. Óıtkeni kól tereńdigi 6,8 metr ǵana eken. Bul aqparat shyndyqqa janasa ma?», - dep suraǵan edi.

Saýalǵa mınıstrdiń ornyna jaýap bergen Sý resýrstary komıtetiniń tóraǵasy Nurlan Aldamjarov bul aqparattyń shyndyqqa janaspaıtyndyǵyn aıtady.

«Jyl basynda Balqash-Alakól baısseıni ınspektsııasymen, Qazgıdrometpen sý deńgeıiniń belgilerin aldyq. Baltyq júıesi boıynsha 341 metr belgisinen tómen túspeýi kerek. Jyl ortasynda eseptegen kezde belgisi 342,8 metr boldy. Al bul qalypty dep sanalady. Sondyqtan Balqash kóli tartylyp barady deý durys emes», - dedi Nurlan Aldamjarov.

Foto: kaztrade.ru