Balqash qalasynyń ákimi jastar syılyǵyn bekitti
QARAǴANDY. QazAqparat - Balqash qalasynyń ákimi Aleksandr Aglıýlın «Órken» jastar syılyǵyn bekitti, dep habarlaıdy «QazAqparat» HAA tilshisi.
«Órken» jastar syılyǵy memlekettik jastar saıasatyn júzege asyrý, qalanyń jastar qozǵalysynyń damýyn yntalandyrý maqsatynda tapsyrylady.
«Syılyq 14 pen 29 jas aralyǵyndaǵy jastar arasynda jemisti ǵylymı, shyǵarmashylyq, qoǵamdyq jáne kásibı qyzmeti úshin beriledi», - dep habarlady Balqash ákimdigindegiler.
Konkýrs: jastar lıderi - qalanyń qoǵamdyq saıası ómirine belsendi qatysyp jáne jastar arasynda qoǵamdyq mańyzdy is-sharalar uıymdastyryp, jastardyń qoǵamdyq qozǵalysynyń damýyna úles qosqany úshin, jas jumysshy - joǵary óndiristik kórsetkishteri men óndiristegi ınnovatsııalyq jáne ratsıonaldyq oılary úshin; jyl stýdenti - ǵylymı jobalardy daıyndaýǵa jáne ǵylymı- tájirıbelik konferentsııalardy ótkizýge qatysqany, joǵary jáne orta oqý oryndarynyń stýdentteri men oqýshylary arasynda ótkizilgen konkýrstar men saıystardaǵy jetistikteri úshin taǵaıyndalady. Jyl oqýshysy - ǵylymı jobalardy daıyndaǵany, olımpıadalarda, saıystarda júldeli oryndardy jeńip alǵany úshin, jas daryn - mádenı-kópshilik is-sharalarǵa qatysyp, óner, mádenıet, ádebıet salasynda shyǵarmashylyq tabystarǵa jetkeni úshin, jyl patrıoty - belsendi azamattyq ustanymy men zor jaýapkershiligi úshin, áleýmettik mańyzdy is-áreketter jasaǵany úshin, jas maman - bilim berý jáne densaýlyq saqtaý salasyndaǵy joǵary jetken jeke jetistikteri, kásiptik sheberligi, qyzmette eń jaqsy kórsetkishterge qol jetkizgeni úshin, memlekettik saıasatty buqaralyq aqparat quraldary arqyly júrgizýge úles qosyp, belsendilik tanytyp, áleýmettik eleýli jáne qoǵamdyq qyzmettiń damýyna úlesin qosqany úshin, jyl sportshysy - sport salasyna ózindik úlesin qosqan, qalalyq, oblystyq, respýblıkalyq jáne halyqaralyq sport jarystaryna qatysyp jetistikterge jetkeni úshin beriledi.
Konkýrs komıssııasy jas memlekettik qyzmetker nomınatsııasyn batyl jáne jarqyn mansap bastamasy, saıasat maıdany jumystarynyń mańyzdy jetistikteri, jurt aldynda belsendilik tanytyp sóz sóılegeni, atqarylǵan jumystyn tıimdiligi men nátıjeligi úshin tabystaıdy. Jas kásipker - kásipkerlik rýhy, basqarý qabileti, ınnovatsııalyq jetistikteri men qarjy kórsetkishteri úshin, bıznestiń áleýmettik mańyzdylyǵy úshin beriledi.
Syılyqtyń aqshalaı mólsherlemesin Balqash qalasy ákiminiń «Órken» qalalyq jastar syılyǵyn berý jónindegi komıssııasy belgileıdi.
