Balqash qalasyndaǵy áleýmettik beıimdeý ortalyǵyna kásipker jańa ǵımarat syılady

BALQASh. QazAqparat - Qaraǵandy oblysynyń Balqash qalasynda «Úlken júrek» damý jáne áleýmettik beıimdeý ortalyǵy jańa keń ǵımaratta kóshti, dep habarlaıdy QazAqparat oblys ákimdiginiń baspasóz qyzmetine silteme jasap.

Ortalyqqa jańa ǵımaratty «Rýhanı jańǵyrý» baǵdarlamasynyń iske asyrylýy sheńberinde jergilikti kásipker syıǵa tartty.

«Úlken júrek» ortalyǵy múmkindigi shekteýli balalarǵa kómek beredi. Aı saıyn munda 40 adam keledi. Búldirshinderge pedagogtar, psıhologtar jáne logopedter sabaq ótkizedi.
Osyǵan deıin balalar kópqabatty turǵyn úıdegi 4 bólmeli páterde dáris alatyn. Endi «Úlken júrek» ortalyǵy jalpy aýdany 253 sharshy metr jańa ǵımaratqa kóshti.
Jańa ǵımaratqa kóshkeli ortalyq qyzmetkerler shtat sany artyp, 120 balany qabyldaı alatyn boldy. Múmkindigi shekteýli balalardyń jalpy sanynyń 50 paıyzdan astamy jeke tulǵany damytý jáne qoǵamǵa sińisýi úshin áleýmettik beıimdelýge ıe bolady. Balqash qalasynda qazir múmkindigi shekteýli 233 bala bar.
«Úlken júrek» ortalyǵy 2009 jyly ashyldy. Jumysqa kirisken ýaqyttan beri ortalyq mamandary 200-den astam balalarǵa kómek kórsete aldy.