Balqash qalasynda oq jaraqatymen eki adam aýrýhanaǵa tústi
QARAǴANDY. QazAqparat – Qaraǵandy oblysynyń Balqash qalasynda eki er adam oq jaraqatymen aýrýhanaǵa tústi, dep habarlaıdy QazAqparat tilshisi.
Oblystyq Polıtsııa departamentiniń baspasóz qyzmetinen málim etkendeı, 28 shilde kúni Balqash aýrýhanasyna túrli jaraqattarmen qalanyń 29 jáne 28 jastaǵy eki turǵyny jetkizilgen.
«Balqash qalasynyń ortalyq aýrýhanasyna betine tereń tımegen oq jaraqatymen 1991 jyly týǵan er adam tústi. Medıtsınalyq kómek kórsetilgennen keıin ol ambýlatorlyq em qabyldaý úshin úıine qaıtaryldy. Ekinshi adamnyń (1990 jyly týǵan) jaq súıegi synǵan. Qazir ol odan ári em alý úshin Maqajanov atyndaǵy medıtsınalyq ortalyqqa aýystyrylýda», - dep málim etti Qaraǵandy oblysy Densaýlyq saqtaý basqarmasynyń baspasóz qyzmetinen.
Atalǵan derek Balqash qalasynyń polıtsııa bóliminde tirkeldi. Іzdestirý is-sharalary barysynda krımınaldyq polıtsııa qyzmetkerleri 28, 29 jáne 34 jastaǵy úsh adamdy anyqtady.
«Aldyn ala málimetterge sáıkes, 28 jastaǵy er adam jábirlenýshilerge travmatıkalyq qarýdan oq atqan. Ol ýaqytsha ustaý ızolıatoryna qamaldy. Fakti boıynsha QR QK-niń 293-baby 3-bóligimen (buzaqylyq) sotqa deıingi tergeý bastaldy», - dedi Qaraǵandy oblystyq Polıtsııa departamentiniń baspasóz qyzmetinen.
