Balqash qalasyna qatynap oqıtyn oqýshylar men kolledj stýdentteri úshin avtobýs tegin bolady

ASTANA. QazAqparat – Balqash qalasyna jaqyn mańaıda ornalasqan eldi mekenderden qatynap oqıtyn oqýshylar men kolledj stýdentterine avtobýs tegin bolmaq, dep habarlaıdy QazAqparat tilshisi.

«Balqash óńiriniń bilim berý uıymdary oqýshylarynyń kelesi sanattaryna qoǵamdyq kólikte (taksıden basqa) tarıf qunynan 100% jeńildikpen jol júrý usynylsyn:

- 15 jasqa deıingi jáne 15 jastan asqan óńirdiń jaqyn mańdaǵy eldi mekenderinde turatyn jalpy bilim beretin orta bilim berý uıymdarynyń, ınternattardyń oqýshylaryna (ár aptanyń demalys jáne kanıkýl kúnderin qospaǵanda);

- Tehnıkalyq jáne kásiptik uıymdardyń stýdentterine, atap aıtqanda jetim balalarǵa jáne ata-anasynyń qamqorlyǵynsyz qalǵandarǵa, ataýly áleýmettik kómek alýǵa quqyǵy barlarǵa, ortasha tabysy eń tómengi kúnkóris deńgeıinen tómen, jaqyn mańdaǵy eldi mekenderde turatyn 15 jastan asqan balalarǵa (ár aptanyń demalys jáne kanıkýl kúnderin qospaǵanda)», - delingen Ashyq NQA portalynda jarııalanǵan Balqash qalalyq maslıhanyń sheshiminde.

Qujat27 shildege deıin kópshilik talqylaýda bolady.