Balqash qalasyndaǵy mektepterge jarylǵysh zattar qoıyldy degen habarlama jalǵan

ASTANA. KAZINFORM –  Áleýmettik jelilerde Balqash qalasyndaǵy mektepterge jarylǵysh zattar qoıyldy degen habarlama taratylyp jatyr. Bul aqparat shyndyqqa janaspaıdy. Bul týraly Qaraǵandy oblysy PD baspasóz qyzmeti habarlady. 

— Áleýmettik jeliler men Telegram-arnalarda Balqash qalasyndaǵy mektepterge jarylǵysh zattar qoıyldy degen qaýesetter taratylyp jatyr. Bul aqparat shyndyqqa janaspaıtyndyǵy týraly resmı túrde málimdeımiz. 

Jalǵan málimet taratý faktisi boıynsha qylmystyq is qozǵaldy. Barlyq bilim berý mekemeleri polıtsııa qyzmetkerlerimen tekserildi — eshqandaı jarylǵysh zat tabylǵan joq, — delingen Qaraǵandy oblysy PD baspasóz qyzmeti habarlamasynda.

Qazirgi ýaqytta jalǵan aqparat taratqan adamdardy anyqtaý jáne ustaý úshin aýqymdy jedel-tergeý is-sharalary júrgizilip jatyr.

— Qaraǵandy oblysynyń polıtsııa departamenti terrorızm aktisi týraly ádeıi jalǵan habar taratqany úshin qatań qylmystyq jaýapkershilik qarastyrylǵanyn eskertedi. Balqash qalasynyń turǵyndary men qonaqtaryn sabyr saqtaýǵa, arandatýshylyqqa ermeýge jáne tek resmı aqparat kózderine senýge shaqyramyz, — delingen habarlamada.

Aıta ketelik 2 qyrkúıekte Almaty áýejaıynyń halyqaralyq reıster tirkeý ornynda boldy. Kórshiles eldiń 18 jastaǵy azamaty ázil retinde bagajynda «atom bombasy» baryn aıtqan.