Balqash ınspektorlary Qyzyl kitapqa engen qyrandy qutqardy
NUR-SULTAN. QazAqparat – Balqash ınspektorlary Qyzyl kitapqa engen qyrandy qutqardy, dep habarlaıdy QazAqparat tilshisi.
QR AShM Orman sharýashylyǵy jáne janýarlar álemi komıtetiniń baspasóz hatshysy Sáken Dildahmet Facebook paraqshasynda jazǵandaı, Balqash qalasynyń turǵyny jaraly qyrandy taýyp alǵanyn aıtyp, polıtsııa bólimine kelgen. Áıel Aqtoǵaı aýdanynyń Qońyrat kentine jaqyn mańnan jabaıy qusty ózdiginen usha almaı qınalǵan jerinen tapqan kórinedi.
«2019 jyldyń 8 tamyzynda ınspektorlar qyrandy Balqashtan Qaraǵandyǵa jetkizip, emdeý úshin Qaraǵandy qalalyq zoologııalyq baqqa jiberdi. Tekserý barysynda jabaıy qustyń Qyzyl kitapqa engen qyran ekeni anyqtaldy. Qustyń bul túri Qazaqstannyń ońtústiginde meken etedi. Sany kóp emes. Tipti azaıyp bara jatqan qustardyń qatarynda», - dep jazady Sáken Dildahmet.
Qyrannyń bul túri óziniń balapandaryn jylanmen qorektendiretin kórinedi. Tolyq em alǵannan keıin kók taǵysy erkindikke ushyrylady.
