Balqash garnızonynda sardar aýyr jaraqat aldy

QARAǴANDY. QazAqparat – Áskerı qyzmetshiniń jaǵdaıyn dárigerler aýyr dep baǵalap otyr, dep habarlaıdy QazAqparat QR Qorǵanys mınıstrliginiń baspasóz qyzmetine silteme jasap.

«2022 jyldyń 30 mamyrynda Balqash garnızonynda ofıtser qarýdy paıdalaný kezinde qaýipsizdik sharasynyń buzylýy saldarynan jaraqat aldy. Zardap shegýshige qajetti medıtsınalyq kómek kórsetilip jatyr. Atalǵan fakti boıynsha sotqa deıingi tergeý bastaldy. Oqıǵanyń mán-jaıyn anyqtaý úshin qorǵanys mınıstriniń tapsyrmasymen arnaıy komıssııa jiberildi», - dedi vedomstvonyń baspasóz qyzmetinen.

Basqa aqparat tergeý múddesine sáıkes jarııalanylmaıdy.