Balqash dúkenine kúdikti et jalǵan veterınarlyq anyqtamamen túsken
QARAǴANDY. QazAqparat - Qaraǵandy oblysynda sbir jarasyna zerttelgen et veterınarlyq jalǵan anyqtamamen Balqash dúkenine túsken. Bul týraly Aqtoǵaı aýdanynda baspasóz máslıhatynda óńirdiń veterınarlyq qyzmet ókilderi málimdedi.
«Aqtoǵaı aýdanynyń Jıdebaı aýylynda 16 tamyzda «Jeńis» sharýa qojalyǵynyń qojaıyndary mal soıǵan. Mal ıesi veterınarlyq anyqtamany tiri malǵa alǵan, budan keıin etti Balqashta ótkizgen. 26 tamyzda adamdar aýyrǵannan keıin (túıneme kúdigimen jatqyzylǵan - avtordyń eskertpesi), bizge jaǵdaıdy anyqtap, et qaıda jetkizilgenin anyqtaýdy tapsyrdy», - dedi QR AShM óńirlik veterınarlyq baqylaý jáne qadaǵalaý ınspektsııasy bastyǵynyń orynbasary Danııar Merǵazın.
Onyń aıtýynsha, dúkenderdiń birinen 68 keli et tárkilendi. «Odan synama alynyp, oblystyq jáne respýblıkalyq veterınarlyq zerthanalarǵa jáne veterınarııa boıynsha referenttik ortalyqqa jiberildi. Qazirgi kezde zertteý júrgizilip jatyr», - dedi D.Merǵazın.
Ol veterınarlyq anyqtama berý boıynsha qyzmettik tekseris júrgizilip jatqanyn aıtty.
«Mal ıesiniń aqparaty boıynsha, ol eki buqa súzisip jatqanyn kórgen, olardyń biri ekinshisin jaraqattaǵan. Sol jaraqattanǵan mal soıyldy. Degenmen qojaıyn basqa malǵa anyqtama alǵan. №1 anyqtamanyń ornyna №2 nysandaǵy anyqtama (tiri malǵa - red.) berilgen, óıtkeni aýyldyq okrýgte mal soıatyn arnaıy alań joq. Bul da problema», - dep túsindirdi oblystyq veterınarııa basqarmasynyń basshysy Baýyrjan Asanolv.
Sonymen birge, 90 keli et qaıda ótkizilgeni anyqtaldy.
B.Asanov aýyl okrýginde epızootııalyq jaǵdaı turaqty ekenine sendirdi. Onyń aıtýynsha, veterınarlyq zertteý nátıjeleri aptanyń sońyna deıin belgili bolady.
«Veterınarııa jaǵynan dıagnoz (sibir jarasy - red.) qýattalǵan joq. Bıosynama alyndy, tyshqandarǵa tájirıbe jasaldy. Qazirgi kezde biz bul sibir jarasy bolǵanyn aıta almaımyz», - dedi D.Merǵazın.
Sanıtarlyq qyzmet aqparaty boıynsha, Balqashta et shabatyn adam, osy etpen baılanysty bolǵandyqtan aldyn alý maqsatynda aýrýhanaǵa jatqyzylǵan. «Ony teksergende qolynyń saýsaqtary kúıgen. Mal soıǵandyqtan ony tekserý úshin Balqashtaǵy juqpaly aýrýlar aýrýhanasyna jatqyzdy. Ázirge zerthana nátıjeleri kelip túsken joq», - dedi oblystyq tutynýshylar quqyǵyn qorǵaý departamenti basshysynyń orynbasary Bolat Qalmaǵambetov.
Ol Aqtoǵaı aýdanynda oblystyq juqpaly aýrýlar aýrýhanasyna jatqyzylǵan eki adamda jaraqatynan oń nátıje alyndy, al DNK deńgeıindegi ekspress-ádis teris nátıje berip tur dep tap ótti. .
Veterınarlyq qyzmet málimetteri boıynsha, kadastr boıynsha, Aqtoǵaı aýdanynda eki jerde sibir jarasynan ólgen maldar kómilgen.
Budan buryn oblystyq densaýlyq saqtaý basqarmasynyń baspasóz qyzmetine silteme jasap habarlanǵanyndaı, Aqtoǵaı aýdany Jıdebaı aýyldyq okrýgi Úsharal aýylynyń eki turǵyny túınemege kúdiktelip, aýrýhanaǵa jatqyzylǵan. Er adam men áıel 1972 jyly týǵan erli-zaıyptylar.
Eske sala keteıik, maýymda Qaraǵandy oblysy Shet aýdanynyń Erkindik aýylynda túınesme derti taraldy. Aýyl turǵyndarynyń biri sibir jarasymen aýyratyn sıyrdy týystary men kórshilerine úlestirilgen. Aýylǵa karantın engizildi. Oblystyq aýrýhanaǵa sibir jarasyna kúdiktelgen 11 adam jetkizildi. Zerthanada 8oqıǵa qýattaldy. Aýyrǵan eki adam kóz jumdy, olar - 33 jastaǵy áıel men 49 jastaǵy er adam.
