Balqash dalasynda joǵalyp ketken er adam qutqaryldy

ASTANA. KAZINFORM — Qaraǵandy oblysynyń Aqtoǵaı aýdanynda qutqarýshylar joǵalyp ketken er adamdy izdestirý jumystaryn júrgizdi. Bul týraly TJM baspasóz qyzmeti habarlady.

Balqash dalasynda joǵalyp ketken er adam qutqaryldy
Foto: Vıdeodan skrın

Belgili bolǵandaı, 1982 jyly týǵan er adam kúndiz qystaýdan Balqash qalasyna qaraı jaıaý shyǵyp, jolda baǵdarynan adasyp ketken.

Іzdestirý jumystary barysynda TJM jedel-qutqarý jasaǵynyń qyzmetkerleri joǵalǵan azamatpen baılanysqa shyǵyp, odan óziniń naqty ornalasqan jeriniń geolokatsııasyn aldy. Qutqarýshylar kórsetilgen koordınattar boıynsha ornalasqan jerin anyqtap, «Aqbuzat» qystaýynan soltústikke qaraı 10 shaqyrym jerden er adamdy tapty.

Er adam Balqash qalasyna jetkizildi. Medıtsınalyq kómek qajet bolmady.

Buǵan deıin Almatyda qutqarýshylar taýda aıaǵyn jaraqattap alǵan qyzǵa kómek kórsetken bolatyn.