«Balqash-Býrylbaıtal» avtojoly qaıta jańartylyp jatyr
NUR-SULTAN. QazAqparat - Jambyl oblysyndaǵy respýblıkalyq mańyzy bar «Balqash-Býrylbaıtal» avtojolynyń 147 shaqyrymynda (2005-2152 km) qaıta jańartý jumystary júrgizilýde, dep habarlaıdy QazAqparat.
«Qazirgi tańda jolshylar 3 ýchaske boıynsha jol-qurylys jumystaryn júrgizýde. 15 shaqyrymda jer jabynynyń qunarly qabaty alynyp, qazý jumystary atqaryldy. Joba aıasynda temir jol ótkelderi men 10 kópirdiń, 109 qubyrdyń qurylysy kózdelgen. Kúre joldyń boıynda demalys alańdary men eldi mekenderdiń mańynda avtopavılondar salynady. Qaıta jańartý jumystary tolyq aıaqtalǵannan keıin, «Balqash-Býrylbaıtal» avtojoly І-tehnıkalyq sanatqa sáıkes, tolyq 4 jolaqty jol bolady», - delingen «QazAvtoJol» ulttyq kompanııasy málimetinde.
Ýchaskelerde 316 maman jáne 204 birlik jol-qurylys tehnıkasy jumyldyrylǵan. Jobanyń tolyq aıaqtalý merzimi 2022 jylǵa josparlanǵan.
